علام !!

هو احنا شفنا فيكي علام..

حاشرين دماغنا بأي كلام..

علشان ما نرضي غرور الورقة..

نحرق ف دم و حبر أٌقلام

اتحدى حلمك

و إياك تخلي غيرك يوم يفكرلك..

أو يبقا صوت ضميرك أو يقرر لك..

يقولك ايه تقدر عليه أو ايه يكون مالكش فيه..

ده سر و مايعرفش بيه ..

شئ جوه منك ومداريه..

اتحدى حلمك و احتويه..

ربك ييسرلك

فينك يا شعر

فينك يا شعر لما بحتاج الكلام

جوايا شئ محفور و مجبور أوصفه

ومفيش على لساني يدوب غير السلام

والباقي ضلمة و صمت مش قادر أصرفه

حلم تايه

ترسم بفعلك ع الوشوش صورة

عن همّة رايحة و فكرة مكسورة

عن حلم تايه ف العيون مجنون

و إيزاي هيجي الجون و لعبك جوه مقصورة؟!

مش عارف

مش عارف أنا طالع بيكي السما جدا كده ليه

وبقول فيكي كلام عمرك أبدا ما بتستاهليه

عيبي إن أنا بنسى عيوبك لما بشوفك عقلي بتاخديه

سحرك بيأثر فيا ويملا عينيا وضعفي بيحييه

حلم طايش

كنت هاوي صبحت عاشق

كنت غاوي لقيتني راشق

كنتي حلم بعيد وطايش

فجأة بيكي طلعت عايش